Алматыдағы танымал туристік бағытта сел жүрді

Алматы құтқару қызметінің мәліметінше, Солтүстік Талғар шатқалында сел жүрді. Соған байланысты "Үлкен Алматы шатқалы" бағыты жабық, - деп хабарлайды Tengrinews.kz тілшісі.

Ведомство мәліметіне сүйенсек, 27 шілдеде Солтүстік Талғар шатқалында сел тасқыны жүрген. Бұл туристер үшін қуіп төндіреді. Әсіресе, "Үлкен Алматы шатқалы" бағыты бойынша Үлкен Алматы көлінен Туристер асуы арқылы өткісі келетіндер үшін.

"Төтенше жағдайдың алдын алу үшін қала тұрғындары мен қонақтарына қауіпті екеніне байланысты туристік маршруттан өтпеуге кеңес береміз. Айта кетейік, 2GIS офлайн-навигаторына танымал туристік бағыт селге байланысты жабық екені туралы ескерту жасалады", - деді Алматы әкімдігіндегілер.

Сілтемесіз жаңалық оқисыз ба? Онда Telegram желісінде парақшамызға тіркеліңіз!