+7 (777) 001 44 99
Қазақша
Русский
English
15 шілде 2022 09:03
Атырау облысында мыңнан аса асыл тұқымды қой тірідей жанып кеткен
Атырау облысында мыңнан аса еділбай тұқымды қой өртеніп кеткен, - деп хабарлайды Tengrinews.kz тілшісі ATPress.kz сайтына сілтеме жасап.
ПОДЕЛИТЬСЯ
Атырау облысында мыңнан аса еділбай тұқымды қой өртеніп кеткен, - деп хабарлайды Tengrinews.kz тілшісі ATPress.kz сайтына сілтеме жасап.
Басылым мәліметінше, өрт Құрманғазы ауданының Сүйіндік ауылдық округіне қарасты Жалғызапан ауылына жақын маңда болған. Жалыннан "Сүйіндік қой зауыты" ЖШС-нің мыңнан аса еділбай тұқымды қойы тірідей жанып кеткен.
Ауыл тұрғындарының айтуынша, өрт Ресей Федерациясындағы Астрахань облысының аумағында тұтанған. Кейін Атырау облысына жайылған.
Серіктестіктің шопаны Уәлихан Қабдрахмановтың айтуынша, үйіне жақындаған кезде жел күшейіп, өрт өршіген.
"Балалар жатқан үйге әрең жүгіріп жеттім. Үйдің айналасындағы шөп жанып кетті. Соның салдарынан 1039 қойдан айырылдым. Оның ішінде өз иелігімдегі малым да бар", - дейді Уәлихан Қабдрахманов.
Құрманғазы ауданының төтенше жағдайлар бөлімі мәліметінше, құрғақ шөп өртенген.
Ресей Федерациясының аумағынан тараған өртті сөндіруге 30 адам мен 4 техника тартылған. Жалынды ауыздықтауға Сүйіндік және Жалғызапан ауылдарының тұрғындары да атсалысқан.
"Құрғақ шөптің өртенуінен "Сүйіндік қой зауыты" ЖШС-нің 1 мыңнан аса еділбай тұқымды қойы жанып кетті. Соңғы аптада ауыл маңында үш рет өрт тіркелді. Өртке күннің қатты ысуы себеп болып отыр", - дейді Сүйіндік ауылдық округінің әкімі Қанат Құлшаров.
Өртенген мыңнан аса қойдың өлексесі Жалғызапан ауылы маңынан қазылған шұңқырға көмілген. Қазір өрттен келген шығын көлемі есептеліп жатыр. Еділбай тұқымды қойдың салмағы 145 келі. Төрт айлық қозысының салмағы - 40-45 келі. Бұл құйрықты әрі етті қой тұқымына жатады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
