АҚШ-та тағы 35 мың адамнан COVID-19 анықталды

Соңғы тәулікте АҚШ-та тағы 35 286 адамнан коронавирус табылды, 907 науқас қайтыс болды. Мұндай мәліметті Джон Хопкинс университеті келтірді, - деп хабарлайды РИА Новости.

Бір күн бұрын 34 256 адамнан вирус анықталып, 1 206 науқас көз жұмғаны хабарланған еді.

Университеттің соңғы мәліметтері бойынша, эпидемия басталғаннан бері АҚШ-та коронавирус инфекциясын 6 397 547 адам жұқтырған, 191 802 науқас қайтыс болған, 2,4 миллион адам аурудан жазылған.

Джонс Хопкинс университетінің мәліметіне сүйенсек, дүние жүзінде 28 миллионнан аса адамнан COVID-19 табылған, вирус салдарынан 910 мың адам көз жұмған. Бүгінге дейін 19 миллионнан аса науқас аурудан жазылған.

Қазақстан жаңалықтары. Соңғы жаңалықтар. Telegram желісінде бізге жазыл!