Балалар мен жасөспірімдер Майамиде түнгі клубтағы атыстан зардап шекті

Майамиде түнгі клубта болған атыс кезінде балалар мен жасөспірімдер зардап шекті, - деп хабарлайды Miami Herald. 

11 мен 25 жастағы 15 адамға оқ тиді. Оқиға орнына келген полицейлердің айтуынша, түнгі клуб төңірегінде бейберекеттік болған. Клубқа келушілер атыстан зардап шеккен достарына көмектесуге тырысқан. Зардап шеккендердің бірінің жағдайы ауыр. Куәгерлердің айтуынша, атыс кезінде клубта жүздеген адам болды. Көңіл көтеру орны үш апта бұрын ғана ашылған.

Жанжалдың неден шыққаны және түн мезгілінде онда балалар мен жасөспірімдердің не себепті болғаны әзірше белгісіз.