11 жастағы қызын тұрмысқа берген ер адам өз әрекетін түсіндірді

Малайзиядағы Келантан штатында 11 жастағы қызын 41 жастағы имамға берген ер адам өз әрекетін түсіндіріп берді, - деп хабарлайды L!FE.

Басылымның мәліметінше, 11 жастағы қыз бен 41 жастағы ер адамның шаңырақ көтеруі қоғам арасында үлкен дау туғызды. Ер адам кішкентай қызды оның отбасының қарыздары үшін алған екен. Қыз өте кедей болған.

Сондай-ақ, қыздың ата-анасының бір талап қойғаны айтылады - қыз 16 жасқа толғанға дейін өзінің үйінде тұратын болады. 

Осыған дейін қыздың әкесі 49 жастағы ер адам жергілікті БАҚ өкілдеріне осы жағдайды түсіндіріп берген. Ер адамның айтуынша, олар Абдул Карим отбасымен бұрыннан таныс әрі дос. Бұрын олар көрші тұрған екен.