Абрамовичтің бизнесі 543 теңгеге сатылады - БАҚ

Financial Times мәліметінше, ресейлік бизнесмен Роман Абрамович пен оның серіктестеріне тиесілі Truphone байланыс операторы 1 фунт стерлингке (543 теңге) сатылатын болады, - деп хабарлайды Tengrinews.kz тілшісі.

Басылымның мәліметінше, Truphone операторын сату туралы шешім Ұлыбритания билігінің Абрамовичке қарсы санкцияларына байланысты қабылданды. Ресейлік олигарх компания акцияларының 23 пайызын иеленеді.

Осы айда Абрамович өзіне тиесілі акциялар пакетін сатады. Бұл туралы еуропалық сарашылар жазып жатыр. 

Айта кетейік, бұған дейін Роман Абрамович "Челси" футбол клубын сатқан еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!