АҚШ Байденнің Украинаға сапары туралы Ресейді алдын ала хабардар етті - Ақ үй

Ақ үй АҚШ президенті Джо Байденнің Киевке сапарына дайындықтың егжей-тегжейін айтты, - деп хабарлайды Tengrinews.kz тілшісі Ақ үйдің сайтына сілтеме жасап.

АҚШ президентінің әкімшілігі Ресейге президент Джо Байденнің Киевке сапары туралы Вашингтоннан кетеріне бір-екі сағат қалғанда хабарлаған.

Ақ үйдің ұлттық қауіпсіздік жөніндегі кеңесшісі Джейк Салливан: "Біз Ресейге президент Байденнің қақтығысты болдырмау үшін Киевке баратыны туралы бірнеше сағат бұрын хабардар еттік", - деді.

19 ақпанда Ақ үй Байденнің дүйсенбі түстен кейін Вашингтонда болатынын, содан кейін Польшаға ресми сапармен ұшатынын айтқан кестесін жариялады. New York Times газетінің мәліметінше Байден сенбі кешке жасырын түрде Варшаваға ұшып, сол жерден Киевке пойызбен жеткен.

Сілтемесіз жаңалық оқисыз ба? Онда Telegram желісінде парақшамызға тіркеліңіз!