АҚШ COVID-19 жұқтырғандар саны 10 миллионнан асқан алғашқы ел болды

Америка Құрама штаттары әлемде коронавирус жұқтырғандар саны 10 миллионнан асқан алғашқы ел болды, - деп хабарлайды Reuters.

АҚШ-та соңғы жеті күнде 105 600 коронавирус жағдайы тіркелді. Бұл кез келген басқа елден әлдеқайда көп. Жұқтырғандар санының өсімі 29 пайыз болды - Үндістан мен Францияның көрсеткіштерінің қосындысы. 

Ал дүние жүзі бойынша коронавирус жұқтырғандар саны 50,2 миллионнан асты. 

Елде қарашаның алғашқы аптасында 10,5 миллионға жуық тест жасалған. Оның 6,22 пайызы оң нәтиже көрсетті.

Сондай-ақ, дереккөз мәліметінше, Нью-Йоркте 33 000 мың адам қайтыс болды және бұл АҚШ-тағы жалпы өлімнің 14 пайызы.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!