АҚШ ФРЖ базалық пайыз мөлшерлемесін көтерді

АҚШ-тың Федерал резерв жүйесі (ФРЖ) базалық пайыз мөлшерлемесін 25 базис тармаққа, яғни жылдық 5-5,25 пайыз деңгейіне көтерді, - деп хабарлайды Tengrinews.kz тілшісі gazeta.ru сайтына сілтеме жасап.

Сарапшылардың көпшілігінің болжамымен сәйкес келген шешім мамырдағы кездесу қорытындысы бойынша қабылданды.

Бұл көрсеткіш 2006 жылдан бергі ең жоғары деңгейде екені атап өтілді.

Бұған дейін АҚШ президенті Джо Байден халыққа үндеу жасап, америкалықтарды елдің банк жүйесіне сенім артуға шақырған болатын. Оның айтуынша, салымшылардың барлық депозиті оларға қолжетімді болады.

Наурызда Америка Құрама Штаттарының Федерал резерв жүйесі базалық пайыз мөлшерлемесін 25 базистік тармаққа, жылдық 4,75-5 пайызға дейін көтерді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!