АҚШ Сирияда ДАИШ жетекшісін өлтіру операциясын өткізді: алты бала қаза тапқан

АҚШ әскерилерінің Сириядағы арнайы операциясында 13 бейбіт тұрғын құрбан болды, оның алтауы балалар, - деп хабарлайды Tengrinews.kz тілшісі РИА Новостиге сілтеме жасап.

АҚШ әскері басып алған тұрғын үйдің екінші қабатына зымыран түсіп, кейбір бейбіт тұрғындар қаза тапты. Қалғандары жанкештінің өзін-өзі жарып жіберуі салдарынан және қақтығыс кезінде қаза тапты. Барлығы 13 адам операцияның құрбаны болды, оның ішінде алты бала, төрт әйел және үш ер адам.

Операция кезінде қаза тапқандардың барлығы ДАИШ (Ислам мемлекеті) лаңкестерінің отбасы мүшелері екені атап өтілді, тек бір ер адам мен бір әйел кездейсоқ соғыс аймағына кіріп кеткен.

Сілтемесіз жаңалық оқисыз ба? Онда Telegram желісінде парақшамызға тіркеліңіз!