Албанияда жойқын жер сілкінісі болып, 70-ке жуық адам жарақат алды

Албанияның батысында қуаты 5,6 балдық жер сілкінісі болды, - деп хабарлайды Хабар 24.

Зілзала ошағы Дуррес қаласынан солтүстікке қарай 6 шақырымдай жерде, 10 шақырымдай тереңдікте тіркелді. Табиғат апатынан 68 адам жеңіл жарақат алған.

Жапа шеккендер Дуррес пен Тирана шаһарының ауруханаларына жеткізілген. Жергілікті биліктің айтуынша, бұл - Албанияда соңғы 30 жылда болып тұрған жойқын зілзал. Қазір табиғат апатының салдарымен күрес жүріп жатыр.