+7 (777) 001 44 99
Қазақша
Русский
English
01 ақпан 2022 | 12:07
Амазония қорығы аумағына мұнай төгілді
Эквадордың шығысында мұнай төгіліп, Амазония ормандарындағы табиғи қорықтың бір бөлігіне зиян тигізіп, үлкен өзенді ластады, - деп хабарлайды Tengrinews.kz тілшісі Deutsche Welle-ге сілтеме жасап.
ПОДЕЛИТЬСЯ
Эквадордың шығысында мұнай төгіліп, Амазония ормандарындағы табиғи қорықтың бір бөлігіне зиян тигізіп, үлкен өзенді ластады, - деп хабарлайды Tengrinews.kz тілшісі Deutsche Welle-ге сілтеме жасап.
Эквадордың қоршаған ортаны қорғау министрлігі Каямбе-Кока ұлттық паркіндегі екі гектарға жуық табиғи қорық пен Кока өзені мұнай төгілуінен зардап шеккенін хабарлады. Министрлік мұны "үлкен" ластану деп сипаттады.
Мұнайдың төгілуі осы аймақтағы флора мен фаунаға қауіп төндіреді, өйткені Каямбе-Кокада бірнеше жойылып кету қаупі бар жануарлардың түрлері бар: ара және анд кондор.
"Біздің қызметкерлер Кока өзені мен оның салаларының 210 шақырымына мониторинг жүргізіп, көмірсутектердің іздері табылған жерлерді оқшаулау және салдарын жою бойынша жұмыстарды үйлестіріп жатыр", - деді министрлік өкілдері.
Үкімет жергілікті халықты қауіпсіз сумен қамтамасыз ету үшін төтенше жағдай қызметкерлерін жіберді.
25 қаңтарда Шығыс Напо провинциясында нөсер жаңбыр кезінде болған көшкін мұнай құбырының бұзылуына түрткі болды, бұл мұнайдың төгілуіне әкелді. Бұл құбыр жеке OCP Ecuador компаниясына тиесілі. Компания келесі күні мұнай айдауды тоқтатты деп мәлімдеп, кейінірек құбырдан ағып жатқан мұнайдың көп бөлігін оқшаулағаны туралы айтты.
Алайда Эквадор билігі OCP Ecuador-ды мұнайдың төгілуінің салдары заңды түрде қаралатынын айтып қорқытты. Компания зардап шеккен азаматтарға таза су мен көмек беруге уәде берді.
Айта кетейік, Эквадор - Перу жағалауында шамамен 12 мың баррель шикі мұнай төгілгеннен кейін, мұнай төгілуінен зардап шеккен Латын Америкасындағы соңғы елдердің бірі. Төгілу Тынық мұхитындағы Тонга Арал патшалығында болған су астындағы жанартаудың атқылауынан туындаған толқындардың салдарынан болды. Кейінірек елде төтенше экологиялық жағдай жарияланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
