Америкалықтар Трамптың Twitter желісіндегі белсенділігін құптамай отыр

АҚШ тұрғындарының басым бөлігі Дональд Трамптың Twitter желісіндегі белсенділігін құптамай отыр, - деп хабарлайды Life. Fox News арнасы жүргізген сауалнама қорытындысы осындай болды.

Америкалықтардың 50 пайызы президент бұл желіден бас тарту керек деген пікірде. 28 пайыз адам ғана Twitter желісі президент қарым-қатынас жасай алуға лайықты деп ойлайды.

Айта кетейік, сарапшылар Трамптың АҚШ президенттігіне сайлаудағы жеңіске әлеуметтік желілер және жалпы Интернет арқылы қол жеткізді деп мәлімдеген болатын. Сонымен бірге, Трамптың Twitter желісіндегі жазбаларын атаққұмарлық, дәлелсіз, ал кейбірі тіптен намысқа тиетіндей деп сынға алғандар да болды.

Ақ үйдегі брифинг кезінде журналистердің бірі президентің баспасөз қызметінің жетекшісі Шон Спайсерден Трамп кейін дәлелдей алмайтын айыптауларын қашан тоқтататынын сұраған болатын. Спайсер бұл сұраққа жауап бере алмады.