АҚШ-та нашақор жүргізуші бір топ адамды қағып кетті, қаза болғандар бар

АҚШ-тың Кентукки штатында мас жүргізуші көлікпен бір топ адамды қағып кетті. Оқиға орнында екі адам қаза тауып, жетеуі жарақат алған, - деп хабарлайды ABC News.

37 жастағы жергілікті тұрғын ұсталған. Луисвил қаласының полициясының мәліметінше, ол адамдарды қаққаннан бұрын, тұрақта тұрған көліктерді соққан.  

Кейінірек тексеру барысында, оның қан құрамынан алкоголь бары анықталды. Полицейлердің айтуынша, оның мас болғаны соншалық, жауап алу кезінде бірнеше рет ұйықтап кетіп отырған. Ол өзінің алкогольдік ішімдік ішіп, есірткі қабылдағанын мойындаған. Осы дерек бойынша қылмыстық іс қозғалған, оған бірнеше айып тағылған, соның ішінде адам өлтіру де бар.