АҚШ-та жасөспірім аспаннан түскен оқтан мерт болды

АҚШ-та 13 жастағы жасөспірім оқ тиіп қаза болды, - деп хабарлайды Life.ru сайты Chicago Tribune порталына сілтеме жасап.

13 жастағы Ной Инман өз үйінің маңында баскетбол ойнап жүрген кезде ес-түссіз құлап түскен. Қасындағы адамдардың барлығы оны талып қалды деп ойлаған. Алайда шақыртумен келген дәрігерлер баланың басынан жарақат байқаған. Бала бірден Чикагодағы Комер ауруханасына жеткізіліп, операция жасалған. 

Дәрігерлердің әрекетіне қарамастан, Ной Ниман бір аптадан кейін есін жимастан қайтыс болды. Полиция тергеу жүргізіп жатқанымен, кімнің оқ атқанын әлі анықталған жоқ. 

Куәгерлер сөзіне сүйенген мамандардың пікірінше, көрші көшеде ер адам аспанға отшашу ретінде оқ атқан.