АҚШ-тың әскери базасынан ұрланған қару Қазақстанға сатылған болуы мүмкін

Кентукки штатында орналасқан Форт-Кемпбелледегі әскери базадан құны бір миллион доллардан асатын қару-жарақ пен құрылғылыр ұрланып, кейін eBay арқылы сатылған, - деп хабарлайды РИА Новости сайты Associated Press агенттігіне сілтеме жасап. 

АҚШ-тың құрлық әскерлерінің арнайы тергеу басқармасының мәліметі бойынша, қару ұрлау 2013 және 2016 жылдар аралығында болған.

Сәрсенбіде бұл іс бойынша Теннесси штатындағы Нэшвилл қаласында сот отырысы болды. Басты айыпталушы Джон Робертс ұрланған қаруды ары қарай сатумен айналысқан. 

Джон Робертстің сыбайласы Кори Уилсон Facebook арқылы қару сатып жатқан әскерилерді тауып, кейін олардан қымбатырақ қару сатып алуға тырысқан. Олар ұрланған қаруды сатып алып, Ресей, Қытай, Қазақстан, Мексика, Украина мен Гонконгке жөнелтіп отырған. 

Қазіргі кезде тағы алты әскери тергеумен мәмілеге келген.