Археологтар құбырларды тазалау жұмыстары кезінде Рамзес II ескерткішін тапты

Археологтар құбырларды тазалау жұмыстары кезінде Рамзес II ескерткішін тапты, - деп хабарлайды Euronews.

Мысырда археологтар сегіз метрлік ескерткішті тапты. Ғалымдардың болжамы бойынша ол мүсін Рамзес II фараонына тиесілі. Ол Мысырды осыдан үш мың жыл бұрын билеген. Нысан Каир қаласында бір ауданда құбырларды ауыстыру жұмыстары кезінде табылған. Оқиға орнына келген археологтар фараонның бюстін, басын, тәжін, оң құлағын және оң көзінің қалдықтарын тапқан.