+7 (777) 001 44 99
Қазақша
Русский
English
16 шілде 2021 | 09:03
Әсел Айтбаеваны зорлады деген күдікті неден қайтыс болды?
Грузияның арнайы пенитенциарлық қызметі Әсел Айтбаеваны зорлады деген күдіктінің неден қайтыс болу мүмкін екеніне қатысты жасаған болжамын айтты, - деп хабарлайды Sputnik-Georgia.
ПОДЕЛИТЬСЯ
Грузияның арнайы пенитенциарлық қызметі Әсел Айтбаеваны зорлады деген күдіктінің неден қайтыс болу мүмкін екеніне қатысты жасаған болжамын айтты, - деп хабарлайды Sputnik-Georgia.
Айыпталушы Бесик Тордуа пенитенциарлық мекемеге түскен кезде оның артериялық гипертензиясы бары анықталды.
Грузияның арнайы пенитенциарлық қызметінің мәліметінше, Қазақстан азаматшасын зорлады деп айыпталған Тордуаның өлімінің болжамды себебі - ми инфарктісі.
Қызметтің хабарына сенсек, айыпталушы 28 мамырда пенитенциарлық мекемеге түскен кезде медициналық тексеру жүргізіліп, артериялық гипертензия диагнозы қойылған. Осыған байланысты ол медицина қызметкерлерінің бақылауында болды.
Грузиядағы қазақстандық қыздың өліміне қатысты іс бойынша тергеуге Қазақстаннан мамандар тартылып жатыр.
30 маусымда Тордуа дәрігерге басы қатты ауырып жатқанын айтқан. Айыпталушының сөйлеу қабілеті бұзылып және қан қысымы жоғарылай бастаған. Тордуа мидың қан ағымы бұзылуына байланысты жедел жәрдеммен клиникаға жеткізілді.
Клиникада жүргізілген мидың компьютерлік томографиясының нәтижелері және невропатологтың кеңесі бойынша: ми инфарктісі диагнозы қойылды.
"Жағдайы ауыр болуына байланысты айыпталушы реанимация бөліміне жатқызылды, ем қабылдап, қарқынды бақылауда болды. Нейрохирургтің бақылау кеңесі нәтижесінде шұғыл хирургия қажет болды. Операциядан кейін науқастың жалпы жағдайы ауыр болып қалды, гемодинамика көрсеткіштері тұрақсыз", - делінген пенитенциарлық қызметтің хабарламасында.
Ем-домға қарамастан, науқастың жағдайы нашарлап, 14 шілдеде жүрек соғысы бұзылып (брадиаритмия), ол көп ұзамай асистолияға айналып - жүрек жұмысы тоқтады.
"Жүрек-өкпе реанимациясы хаттамаға толық сәйкес басталды, бірақ жүректің механикалық функциясын қалпына келтіру мүмкін болмады. Биологиялық өлім тіркелді", - делінген хабарламада.
Еске салайық, бұған дейін Грузияда 26 жастағы қазақстандық Әсел Айтбаеваның жұмбақ жағдайда қайтыс болғаны хабарланған еді. Марқұмның әпкесінің сөзінше, Әсел оқиға қарсаңында құрбысына аудиохабарлама жіберіп үлгерген. Аудиода белгісіз ер адам оған қоқан-лоқы көрсетіп жатқаны естіледі.
Ал кеше, 15 шілдеде Әсел Айтбаеваны зорлады деп айыпталған Бесик Тордуа клиникада қайтыс болғаны анықталды. Оның адвокаты Лаша Шукакидзе бұл ақпаратты растады және оның клиенті бір апта бұрын пенитенциарлық мекемеден ауруханаға жатқызылғанын айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
