+7 (777) 001 44 99
Қазақша
Русский
English
16 қаңтар 2018 | 16:00
Ата-анасы байлап ұстаған 13 бала адамшошырлық күйде табылды
Полицейлер 2 мен 29 жас аралығындағы 13 баласын жертөледе шынжырлап ұстаған ерлі-зайыптыларды тұтқындады. Оқиға АҚШ-тың Клифорния штатында болған, - деп жазады The New York Times.
ПОДЕЛИТЬСЯ
Полицейлер 2 мен 29 жас аралығындағы 13 баласын жертөледе шынжырлап ұстаған ерлі-зайыптыларды тұтқындады. Оқиға АҚШ-тың Клифорния штатында болған, - деп жазады The New York Times.
Полицияның мәліметінше, 17 жастағы қыз телефонға қолы жетіп, құтқару қызметіне хабарласа алған. Ол ата-анасының өзімен бірге 12 аға-қаырндасын қамауда ұстап отырғанын айтқан. Полицейлер 49 жастағы Луиза Анна мен 57 жастағы Дэвид Аллен Турпинді өз үйлерінде ұстады.
Louise Anna Turpin Сурет: Riverside County Sheriff's Department
Балалар сасық бөлмелерде төсектеріне байлаулы күйінде табылған. Ер адам мен әйел полицейлердің мұндай қадамға неге барғаны туралы сұрағына жауап бере алмаған. 13 баланың жетеуі 18 және 29 жас аралығындағы ер жеткендер болып шықты. Балаларға мардымсыз тамақ бергендіктен, олардың тым әлсіз болғаны хабарланып отыр.
Зардап шеккендердің барлығы ауруханаға жеткізілген. Олардың қамауда қанша уақыт болғаны әзірше белгісіз. Көршілердің сөзінше, олар бұл үйде не болып жатқанынан хабарсыз болған. Тек отбасының соңғы айларда қаржылық жағдайы күрт нашарлап кеткені ғана белгілі.
Показать комментарии
Читайте также
