+7 (777) 001 44 99
Қазақша
Русский
English
15 ақпан 2023 | 09:21
Атамбаев байлығы мен билікке оралуы туралы сұраққа жауап берді
Қырғызстанның бұрынғы басшысы Алмазбек Атамбаев байлығы мен билікке оралуы туралы сұраққа жауап берді, - деп хабарлайды Tengrinews.kz тілшісі 24.kg сайтына сілтеме жасап.
ПОДЕЛИТЬСЯ
Қырғызстанның бұрынғы басшысы Алмазбек Атамбаев байлығы мен билікке оралуы туралы сұраққа жауап берді, - деп хабарлайды Tengrinews.kz тілшісі 24.kg сайтына сілтеме жасап.
Қамаудан босап шыққан Алмазбек Атамбаев Қой-Таш ауылындағы резиденциясында өткен баспасөз мәслихатында қаржылық жағдайын мақтан етті.
Журналистер бір кездері бұрынғы мемлекет басшысы миллиардтаған байлығы барын айтқанын, кейін Алмазбек Атамбаев жұбайы Раиса Атамбаева өзі жоқта қаржылық қиындықтарға тап болғанын айтып бірнеше рет шағымданғанын еске алды. БАҚ өкілдері сол ақша қайда екенін сұрады.
"Мен миллиардер емес, мультимиллиардер екенімді айттым. Райдың (Раиса Атамбаева әйелі - авт. еск.) есепшотында әлі ақша бар, бірақ ол бұғаттаулы. Маған сенсеңіз, бұл үй және 90-жылдары сатып алған жерім жақсы ақшаға тұрарлық. Оның үстіне, салынған мешіт менің территориямда тұр – менің жекеменшігім. Кейбіреулер мешітке неге екі гектар жер бергеніме ашуланады. Олар маған қомақты ақша ұсынды. Мен шын мәнісінде, бай адаммын", - деді Алмазбек Атамбаев.
Сондай-ақ, Қырғызстанның бұрынғы президенті қолдаушыларға алғыс айтып, оған қарапайым халық көмектескенін айтты. Атап айтқанда, бұрынғы мемлекет басшысының айтуынша, оның жұбайы Раиса Атамбаева сауда жасап жүргенде жеміс-жидек үшін ақы алынбаған.
"Барлық жерде жақсы қарайды. Қарапайым халық көп көмектесті – моральдық жағынан да, материалдық жағынан да. Менің әйелім қатты мұқтаж болған кезең болды. Қарапайым адамдар кездесіп, оған 500-1000 сом берген кездер бар. Мен қарапайым қырғызстандықтарға алғыс айтамын, өйткені оларға сенуге болады. Олар кейбір саясаткерлерге ұқсамайды, ешқашан сатпайды, сатпайды", - деді ол.
Алмазбек Атамбаев емделгеннен кейін немен айналысады және саясатқа қайта орала ма деген сауалға: "Бәрін уақыт көрсетеді" деп жауап берді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
