Ауа райы: Мәскеуде 139 жыл бұрынғы температуралық рекорд жаңарды

Мәскеуде ауа температурасы плюс 3,7 градусқа дейін көтерілді, бұл көрсеткіш 29 желтоқсан күнгі метеобақылауда 139 жыл бұрынғы рекордты жаңартып отыр, - деп хабарлады L!FE.

Ауа райына қатысты бұл мәлімет "Гидрометцентр" сайтына жарияланған. Метеорологтардың мәлімдеуінше, сағат 21.00 шамасында Мәскеудегі атмосфералық қысым сынап бағанасында 750 миллиметрді көрсеткен, ал ең жоғары ауа температурасы +3,7 градус болды.

Айта кетейік, бұған дейін температуралық рекорд 17 желтоқсанда тіркелген. Ол кезде ауа температурасы плюс 7,7 градусты көрсетті. Мұндай көрсеткіш Мәскеу қаласы бойынша 17 желтоқсан күнгі метеобақылау тарихында 138 жыл бұрын тіркеліпті. Бұған дейінгі рекорд плюс 6,1 градус болған. Ол 2006 жылы тіркелді.