Әуежайда ұшақтардың соқтығысқан сәтінде түсірілген видео жарияланды

Торонтоның Лестер Пирсон атындағы халықаралық әужайында екі қшақ соқтығысты, - деп хабарлайды РИА Новости. Жолаушылар эвакуацияланды, ешкім зардап шеккен жоқ. 

Әужай әкімшілігі Twitter желісіндегі парақшасында оқиғаның 3-ші терминалда болғанын айтады. Reutеrs мәліметінше, оқиға болған жерде өрт шыққан. Ұшақтардың қанаты мен артқы бөлігі бүлінген. 

Boeing 737-800 бортында отырған жолаушының түсірген видеосында, ұшақтың қанаты мен артқы бөлігінде өрт шыққан. Осы кезде салондағы адамдар байбаламға салып жатқанын да естуге болады. Жолаушылар орындарынан тұрып, айғайлап, апатты жағдайда шығу есігіне қарай жақындаған. 

WestJet әуекомпаниясының өкілдері Канкунға ұшып бармақшы болған Boeing 737-800 ұшағында 168 жолаушы және 6 экипаж мүшесі болған. Олар Sunwing компаниясының ұшағымен соқтығысқан. 

CTV телеарнасының мәліметінше, Sunwing лайнерінде өрт шыққан, алайда ұшақта ешкім болмаған.