+7 (777) 001 44 99
Қазақша
Русский
English
17 желтоқсан 2021 | 15:52
Ауғанстан БҰҰ жанындағы өкіл міндетін атқарушыны тағайындады
Ауғанстан бұрынғы тұрақты өкіл Гулам Исакзайдың орнына БҰҰ жанындағы өкіл міндетін атқарушы ретінде Насир Ахмад Фаикті тағайындады, - деп хабарлайды Tengrinews.kz тілшісі РИА Новости сайтына сілтеме жасап.
ПОДЕЛИТЬСЯ
Ауғанстан бұрынғы тұрақты өкіл Гулам Исакзайдың орнына БҰҰ жанындағы өкіл міндетін атқарушы ретінде Насир Ахмад Фаикті тағайындады, - деп хабарлайды Tengrinews.kz тілшісі РИА Новости сайтына сілтеме жасап.
"Ауғанстан Ислам Республикасының Нью-Йорктегі БҰҰ жанындағы тұрақты өкілдігінің кеңесші-өкіл қызметін атқаруды Насир Ахмад Фаик өз қолына алды", - делінген Ауғанстан өкілдігінің Twitter-де жариялаған хабарламасында.
Ауғанстан өкілдігі елдегі ауыр гуманитарлық жағдайға қарсы күресу үшін БҰҰ басшылығы және мүше мемлекеттермен тығыз ынтымақтастықты дамытуға бар күш-жігерін салатыны айтылды.
Бұған дейін "Талибан" қозғалысы БҰҰ-ға хат жіберіп, бұрынғы үкімет тағайындаған Ауғанстанның тұрақты өкілі Гулам Исакзай енді қызметін жалғастырмайтынын мәлімдеген еді. Талибан БҰҰ-дағы Ауғанстанның жаңа өкілі ретінде Мохаммад Сухейл Шахин тағайындалғанын айтты.
"Талибан" қозғалысы билікке келгеннен кейін Исакзай тәліптерді бірнеше рет сынады. Ол бұл қозғалысты адам құқықтарын бұзды деп айыптады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
