+7 (777) 001 44 99
Қазақша
Русский
English
21 тамыз 2021 | 11:02
Ауғанстандағы жағдайға байланысты Байденге импичмент жариялау ұсынылды
Танымал конгрессмен Марджори Тейлор Грин АҚШ президенті Джо Байденге үш импичмент жариялауды ұсынды, оның ішінде Ауғанстанға қатысты жағдай бойынша да, - деп хабарлайды Tengrinews.kz тілшісі РИА Новостиге сілтеме жасап.
ПОДЕЛИТЬСЯ
Танымал конгрессмен Марджори Тейлор Грин АҚШ президенті Джо Байденге үш импичмент жариялауды ұсынды, оның ішінде Ауғанстанға қатысты жағдай бойынша да, - деп хабарлайды Tengrinews.kz тілшісі РИА Новостиге сілтеме жасап.
Марджори Тейлор Гринк конгреске 10 мың америкалықты "Талибан" қозғалысы билігінде қалдырғаны (Қазақстанда террористік қозғалыс ретінде тыйым салынған) үшін Байденді биліктен кетіру туралы қарар жобаларын ұсынғанын айтты.
Сонымен қатар, ол президент АҚШ-тың оңтүстік шекарасында дағдарысқа жол беріп, иммиграциялық заңдарды бұзды және жалға алушыларды елден шығаруға мораторийді ұзарту арқылы Жоғарғы сот ұстанымына қайшы келіп, өзіне заң шығарушы өкілеттілікті алды деп мәлімдеді.
"Джо Байден президенттік еткен қысқа айлар ішінде Америка бүкіл әлемдегі құрметін жоғалтты. Дәлелдер анық және оның әрекеттері өрескел, оған импичмент жариялау қажет", - деді конгрессмен.
Оның бастамасы екі палатаны да Байденнің демократиялық серіктестері бақылайтын конгресте табысқа жету мүмкіндігі шамалы.
Грин қоғамды бірнеше рет таңғалдырып, әртүрлі қастандық теорияларын насихаттады, коронавирустың қауіптілігіне күмән келтірді және эпидемияға қарсы шараларға қарсы шыққан. Сол үшін Twitter-де бірнеше рет бұғатталған. Ол бір кездері маска тағу режимін холокост қасіретімен салыстырды, бірақ кейін сөзін қайтарып алып, кешірім сұрады.
Бұған дейін АҚШ президенті Джо Байден Кабулдан адамдарды эвакуациялау жүз пайыз сәтті болатынына кепілдік беруден бас тартқан болатын.
Айта кетейік, 17 тамызда "Талибан" содырлары Ауғанстан астанасы Кабулға кіріп, президент сарайын басып алды. Олар іс жүзінде Ауғанстан Ислам Әмірлігінің құрылғанын жариялап, елдегі билікті басып алды. Ауғанстан президенті Ашраф Ғани елден кетті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
