"Азовстальдағы соңғы күн". Украиналық жауынгер видео түсірді

"Азов" полкінің украиналық жауынгері және фотографы Дмитрий Казацкий Мариупольдағы "Азовсталь" зауытының аумағынан шығуға бір күн қалғанда "Азовстальдағы соңғы күн" қоштасу фильмін түсірді, - деп хабарлайды Tengrinews.kz тілшісі Гордонға сілтеме жасап.

Казацкий зауытта 84 күн өткізді. "Ол бұл кадрларды тұтқынға түспес бұрын түсірген", делінген фильм титрінде.

Төрт минуттық видеода қираған зауытта қалған әскер көрсетілген. Сондай-ақ, жаңбырлы күнде шабуыл астында қалған зауыт түсірілген. 

20 мамырда жауынгер Twitter-дегі парақшасында зауыттан кететінін хабарлап, өзінің сондағы мұрағатын жариялады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!