Барселонада полицейлерді қаққан көліктен пышақталған адам табылды - БАҚ

Барселонада полицейлерді қаққан көліктен пышақталған адам табылды. Қаза болған ер адам жолаушының орындығында отырған. Оны кімнің пышақтап кеткені белгісіз, - деп хабарлайды РИА Новости Vanguardia газетіне сілтеме жасап.

Басылымның мәліметінше, ер адам табылған көліктің оның өзіне тиесілі екені белгілі болды. Бірақ оның өлімінің себебі белгісіз. Полицейлер оқиғаның мән-жайын анықтап жатыр. Каталонияның ішкі істер органдарының кеңесшісі Хоакин Форн бұл оқиғаның терактіге қатысы бар екенін және оны жақын тергеушілердің анықтайтынын мәлімдеген болатын.

Еске сала кетейік, осыған дейін Испанияда бір тәулікте екі теракт болғаны жайлы хабарланған болатын. Барселонада фургон жаяу жүргінші жолында тұрған бір топ адамды қаққан. 13 адам қаза тауып, жүзден аса адам зардап шеккен. Кейін осындай оқиға каталонияның Камбрильсінде болды, оның салдарынан жеті адам зардап шекті. 

Сондай-ақ, қазіргі уақытта Қазақстанның СІМ өкілдері теракт кезінде зардап шеккендердің ішінде қазақстандықтардың болған-болмағанын анықтап жатыр.