+7 (777) 001 44 99
Қазақша
Русский
English
26 маусым 2022 | 17:28
Байден: G7 елдері Ресейден алтын импорттауға тыйым салады
АҚШ президенті Джо Байден G7 елдерінің басқа басшыларымен бірге Ресейден жаңа алтын әкелуге тыйым салу туралы келісімге келеді, - деп хабарлайды РИА Новости.
ПОДЕЛИТЬСЯ
АҚШ президенті Джо Байден G7 елдерінің басқа басшыларымен бірге Ресейден жаңа алтын әкелуге тыйым салу туралы келісімге келеді, - деп хабарлайды РИА Новости.
Reuters агенттігіне дереккөз берген мәлімет бойынша, АҚШ Қаржы министрлігі сейсенбіде елге жаңа ресейлік алтынды әкелуге тыйым салатын жарлық шығарады. Шектеу Ресейдің Украинадағы арнайы операциясы басталғаннан кейін енгізілген санкцияларды толықтырады.
Германия төрағалығы болатын "Үлкен жетілік" саммиті 26-28 маусымда Баварияда өтеді. Бұған дейін АҚШ Ұлттық қауіпсіздік кеңесінің стратегиялық коммуникациялар жөніндегі үйлестірушісі Джон Кирби G7 басшылары Ресейге қарсы санкцияларды күшейту және оларды әлемдік экономикаға қолдану шығындарын азайту мүмкіндіктерін талқылайтынын мәлімдеді.
Батыс елдері Украинада арнайы операция басталғаннан кейін Ресейге қарсы санкциялық қысымды күшейтті. Мысалы, елдің 300 миллиард долларға жуық резерві бұғатталды. Ресейлік энергия көздерінен бас тартуға шақырулар да күшейді. Дегенмен, бұл Еуропа мен АҚШ-та проблемаларға, ең алдымен азық-түлік пен жанармай қымбаттауына әкелді.
Кремль санкцияларды экономикалық соғыс деп атады. Билік оқиға бұлай өрбуіне дайын екенін айтып, алдағы уақытта да әлеуметтік міндеттемелерді орындайтынына сендірді. Орталық банк валюта нарығындағы жағдайды тұрақтандыру шараларын қабылдап жатыр. Билік сондай-ақ дос емес елдерге газ төлемін рубльге аударғанын хабарлаған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
