14 желтоқсан 2020 | 10:01

Беларусьтегі наразылық шаралары кезінде 300 адам ұсталды

Беларусь астанасы Минскіде рұқсат етілмеген іс-шараларда 300-ден аса адам ұсталды, - деп хабарлайды Tut.by.

Дереккөз мәліметінше, жексенбілік наразылық шарасы осымен 18-ші рет өткен. Оған шамамен 800 адам қатысқан.

"13 желтоқсанда сағат 12-ден бастап Минскінің түрлі ауданында бір топ адам жиналды (жалпы олардың саны 800 адамнан асқан жоқ). Оларда тіркелмеген символика болды.

Рұқсат етілмеген іс-шараларға қатысушыларға бірнеше рет ескерту жасалды. Талапты орындамаған және наразылықтағы ең белсенді тұрғындар ұсталды", - делінген қалалық полиция таратқан хабарламада.

Беларусьтегі тәртіпсіздік: оқиға қалай басталды?

Минскте іс-шаралар туралы заңнаманы бұзғаны үшін 300-ден аса адам ұсталған. Олар Беларусь Әкімшілік құқық бұзушылық кодексінің 23.34-бабы, 23.4-бабы бойынша сонымен қатар, Ішкі істер органдары қызметкерлерінің заңды талабына бағынбағаны үшін жауап тартылған.

Ұсталғандардың кейбірі осыған дейін рұқсат етілмеген іс-шараларға қатысқаны үшін жауапқа тартылған. Ал кейбір тұрғын құқық қорғау органдарының талабына бағынбаған.

Айта кетейік, 9 тамызда Беларусьте президент сайлауы өтіп, оның соңы тәртіпсіздіктерге ұласқан еді.

"Сегіз күнде 2 адам өлі табылды". Беларусьтегі жаппай тәртіпсіздік

На акциях протеста в Беларуси сегодня были задержаны более 300 человек. Жители разных районов объединялись в протестные колонны, силовики пытались им помешать. "Марш народного обвинения" в Беларуси в фотографиях https://t.co/ZTleGajWmH pic.twitter.com/t8PnWcJK2q
— DW на русском (@dw_russian) December 13, 2020