Бішкек орталығында жарылыс болды

Қырғызстан астанасының орталығындағы кафеде жарылыс болды. Зардап шеккендер бар, - деп хабарлайды РИА Новости. 

Жарылыс Чуй мен Эркиндик даңғылдарының қиылысында орналасқан "Антошка" кафесінде болды. Куәгерлердің айтуынша, басында бір жарылыс болған, кейін тағы екеуі естілген. Кафе отқа оранған, қазір оқиға орнына өрт сөндірушілер жұмыс істеп жатыр.

Оқиға орнынан зардап шеккен екі адам эвакуацияланды. Жарақат алғандардың нақты саны белгісіз. Өрт сөндірушілердің алдын ала мәліметі бойынша, кафеге орнатылған газ баллондары жарылуы мүмкін.