Блинкен мен Зеленский Донбасстағы қақтығысты бейбіт жолмен шешу туралы пікір білдірді

АҚШ мемлекеттік хатшысы Энтони Блинкен мен Украина президенті Владимир Зеленский телефон арқылы сөйлесіп, Донбасстағы қақтығысты дипломатиялық жолмен шешу қажет екенін атап өтті, - деп хабарлайды Tengrinews.kz тілшісі Reuters сайтына сілтеме жасап.

АҚШ мемлекеттік департаментінің мәліметінше, Блинкен Вашингтонның "Ресей агрессиясына" қарсы Украина егемендігін "қолдайтынын" растады.

"Олар Донбасстағы қақтығысты бейбіт, дипломатиялық жолмен шешу және Украин егемендігін оның халықаралық мойындалған шекараларында, соның ішінде Қырымда толық қалпына келтіру туралы келісті", - деп хабарланды мемлекеттік департаментте.

Президент Джо Байденнің Ресей президенті Владимир Путинмен әңгімесі аясында Блинкен америкалық тараптың "Украина тұтастығын" қорғауға дайын екенін тағы бір рет еске салды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!