Boeing жаңа әскери ұшақ туралы айтып берді

Америкалық Boeing корпорациясы жаңа ұшқышсыз шабуылдайтын әрі тыңшылық қызметке арналған ұшақтың үлгісін көрсетті. Ұшақтың осы үлгісі American Institute of Aeronautics and Astronautics SciTech 2018 конференциясында таныстырылды, - деп хабарлайды Naked Science.

Жаңа аппараттың жылдамдығы - сағатына 6200 шақырым. Егер АҚШ Қорғаныс министрлігі қаржыландырса, осы жоба іске қосылады. 

Ұшқышсыз аппараттың екі қозғалтқышы болады. Алайда мамандардың айтуынша, ондай қозғалтқыштар әзірге жер бетінде жоқ. 

Мамандар осы ұшақтың Lockheed Martin компаниясының SR-72 ұшағына қатты ұқсас екенін айтып отыр. 

Boeing. © popularmechanics