Бозбала 11 жастағы досын 17-қабаттан құлатып жіберді

Мәскеу түбіндегі Реутовте тергеушілер 11 жастағы ұл баланың өліміне қатысты қылмыстық іс қозғады. Ол 17-қабаттан құлап, мерт болған, - деп хабарлайды Lenta.ru РТК өңірлік тергеу басқармасына сілтеме жасап.

Тергеу нұсқасы бойынша, 30 желтоқсанда 19 жастағы жігіт заттарын алып кету үшін жасы өзінен біршама кіші досымен Мәскеуден Реутовке барған. Жұмыстары біткен соң олар тұрғын үйлердің біріне кіріп, қаланы көру үшін 17-қабатқа көтерілген. Лифт холлында ұл бала терезенің алдына шығып, терезеден басын шығарған, ал жігіт артқы жағынан келіп, қорқытпақшы болып аяғынан ұстап, көтеріп қалған. Ұстап үлгермеген бала құлап кеткен.

Осыдан кейін жігіт терезені жауып, досының телефонын қоқысқа лақтырған. Жігіт қамауға алынды. Қылмыстық іс тергеліп жатыр.