Бір тәулікте 82 мың адам коронавирус жұқтырды

Бір тәуліктің ішінде әлемде 82 061 адам коронавирус жұқтырған, ал 5798 адам қайтыс болған. Бұл туралы ДСҰ мәлімдеді, - деп хабарлайды РИА Новости.

Ұйымның мәліметі бойынша, әлемде коронавирус жұқтырғандардың саны 1 133 758 адамға жеткен. Ал пандемиядан 62 747 адам көз жұмған.

Ұйымның хабарлауынша, қазіргі уақытта коронавирус жұқтырғандардың басым бөлігі Еуропада - 621 407 адам. 

Сондай-ақ, ДСҰ коронавирус кезіндегі айқын белгілерді атады, бұл - қалтырау және дене қызуы 38 градустан жоғары болу. Вирус жұқтырғандардың 90 пайызында осы белгілер байқалған. 

Қазақстан жаңалықтары. Соңғы жаңалықтар. Telegram желісінде бізге жазыл!