Брюсселде жүздеген адам полиция бөлімшесіне шабуыл жасады

Белгия астанасында 15 қарашада тәртіпсіздіктер басталып, жиналғандар полицейлерге тап берген, - деп хабарлайды "Вести". 

Халықтың алаңға шығуына себеп Vagrasss92 атты франциялық әлеуметтік желілер жұлдызының "Брюссель орталығында достарымен кездесу ұйымдастырамын" деген хабарламасынан кейін жиналған. 

Бұл жиын билікпен келісілмегендіктен, полиция жиналғандарды таратпақ болған. Алайда халық полицейлерге тап беріп, құқық қорғау органының қызметкерлері шегінуге мәжбүр болады. Осы кезде тәртіпсіздіктер басталып, жиналғандар қызметтік көліктерге түрлі заттар лақтырған. Тіпті жүздеген адам полиция бөлімшесіне шабуыл жасаған.

Оқиға орнына арнайы жасақ шақыртылды, жасақты көрген адамдар қаша бастаған. Ал тәртіпсіздіктерге себепші болуы мүмкін Vargasss 92 атты рэпер қазір ұсталды.