"Бұл - сұмдық". АҚШ-та жұмыстан шығарылған қызметкер 5 адамды атып өлтірген

Висконсин штаты Милуоки қаласында Molson Coors кәсіпорнында жұмыстан шығарылған қызметкер атыс шығарған. Бес адам қаза болған, атқыштың көзі жойылған, - деп хабарлайды РИА Новости. Бұл туралы жергілікті полиция басшысы Альфонсо Моралес мәлімдеді.

Полиция мәліметінше, 51 жастағы күдікті қаза тапқан басқа адамдармен бірге жатқан жерінен табылған. Ол - Милуоки тұрғыны. Molson Coors компаниясы сыра өндірумен айналысады.

Бұл оқиға туралы АҚШ президенті пікір білдірді.

"Қаза тапқандардың отбасыларына қайғырып көңіл айтамын. (...) Бұл - сұмдық", - деді президент журналистерге брифинг кезінде.