Чехия президенті шұғыл түрде ауруханаға жеткізілді

Чехия президенті Милош Земан қолын жарақаттап алуына байланысты ауруханаға жатқызылды, - деп хабарлайды РИА Новости.

"Президент мырза қолын жарақаттап алуына байланысты бүгін кешке Прагадағы Орталық әскери госпитальге жатқызылды. Президент мырзаның қолына операция жасалады. Өміріне қауіп төніп тұрған жоқ, ол отбасымен және қызметкерлерімен байланыста", - деді президенттің баспасөз хатшысы Йиржи Овчачек.

Оның айтуынша, 75 жастағы Земан оң қолын сындырған. Жергілікті уақыт бойынша сағат 23.00-де (Нұр-Сұлтан уақыты бойынша 03.00) операция басталған.

Қазақстан жаңалықтары. Соңғы жаңалықтар. Telegram желісінде бізге жазыл!