Чехияда коменданттық сағат енгізілді

Чехия үкіметі коменданттық сағат енгізілгенін жариялады, - деп хабарлайды РИА Новости.

Чехия Денсаулық сақтау министрлігінің басшысы Роман Примуланың айтуынша, коронавирус жұқтырғандар саны көбеюіне қарсы күрес шараларын күшейту мақсатында жергілікті тұрғындарға 28 қазан мен 3 қараша аралығында 21.00-ден 05.00-ге дейін көшеге шығуға тыйым салу туралы шешім қабылданды.

Министрдің айтуынша, министрлер кабинетінің осы шешімімен барлық мемлекеттік және жеке ұйымдар мен компанияларға жұмысты home office режиміне ауыстыру ұсынылды.

Сондай-ақ, 27 қазанда Үкіметтің парламентке төтенше жағдай режимін тағы 30 күнге ұзарту туралы ұсыныс айтатыны белгілі болды.

Соңғы мәліметтер бойынша, Чехияда 162 866 адамнан коронавирус анықталған, олардың 5613-і ауруханаларда. Пандемия кезінде мұнда 2337 адам қайтыс болған.

Қазақстан жаңалықтары. Соңғы жаңалықтар. Telegram желісінде бізге жазыл!