13 қаңтар 2022 | 11:40

COVID-19 эндемиялық инфекцияға айналып жатыр - ДДСҰ

Дина Шарипханова Корреспондент

Фото: ©REUTERS

Коронавирус бірте-бірте эндемиялық инфекцияға (белгілі бір аймаққа тән - авт.еск.) айналып жатыр. Бұл туралы Дүниежүзілік денсаулық сақтау ұйымының (ДДСҰ) шұғыл аурулар бөлімінің техникалық тобы жетекшісі Мария ван Керкхове айтты, - деп хабарлайды Tengrinews.kz тілшісі ұйымның YouTube-арнасына сілтеме жасап.

Коронавирус бірте-бірте эндемиялық инфекцияға (белгілі бір аймаққа тән - авт.еск.) айналып жатыр. Бұл туралы Дүниежүзілік денсаулық сақтау ұйымының (ДДСҰ) шұғыл аурулар бөлімінің техникалық тобы жетекшісі Мария ван Керкхове айтты, - деп хабарлайды Tengrinews.kz тілшісі ұйымның YouTube-арнасына сілтеме жасап.

Ұйым сарапшысы пандемияны болжау қиындап бара жатқанын айтты. Өйткені вирус мутацияға ұшырап, өзгеріп жатыр.

"Вирус эндемия сипатына айналып жатыр. Бұл анық. Дегенмен қазір пандемия белең алып тұр: сырқаттанушылық көрсеткіші өсіп барады, оған қоса елдердің денсаулық сақтау жүйесіне де ауыртпалық түседі. Ол кезеңге әлі жеткен жоқпыз", - деді сарапшы.

Ван Керкхове елдер вирусқа қарсы әртүрлі тәсілмен күрес жүргізетінін, сондықтан COVID-19 пандемиясы қалай дамитынын болжау қиын екенін айтты.