COVID-19 жұқтырған медбике аурудың басқаша симптомын анықтаған

Мельбурндегі Корольдік госпиталдегі медбике Эмили Моррис коронавирус жұқтырған. Алайда оның алдында медбике өзгеше симптом байқаған, - деп хабарлайды РИА Новости. 

Шұғыл көмек бөлімінде жұмыс істейтін және COVID-19 науқастарымен тікелей байланыста болған Моррис біраз уақыт бұрын аяқ-қолдары ауырсына бастағанын аңғарған. Медбике көп уақыт тікесінен тік тұрып жұмыс істейді. Бірақ бұл жолы симптомдар басқаша болған. 

Оны қызметінен босатып, медбике коронавирусты анықтайтын тесттен өткен. Нәтижесі оң болып шыққан. Морристің өзі АВС-ке қазір жағдайы онша емес екенін, алайда ауруханаға жатудың қажеті жоқ екенін айтқан.  

Бұған дейін мәскеулік денсаулық сақтау департаментінің бас штаттан тыс қызметкері Андрей Тяжельников коронавирус әлі толық зерттелмегенін, сондықтан ауру белгісі әртүрлі болуы мүмкін екенін айтқан екен. 

Қазақстан жаңалықтары. Соңғы жаңалықтар. Telegram желісінде бізге жазыл!