Чукотка түбегіне жүзіп жеткен америкалық Ресейден саяси баспана сұрады

Чукотка түбегіне заңсыз жүзіп жеткен америкалық Ресейден саяси баспана сұрады, - деп хабарлайды РИА Новости.

Ер адам Лаврентия ауылында ұсталды. АҚШ-тың Владивостоктағы бас консулдығының өкілдері оқиғаның мән-жайы анықталып жатқанын айтты.

"Біз бұл жағдай туралы білеміз. Жергілікті биліктегілермен бірге жұмыс істеп, консулдық қызметтерді көрсетіп жатырмыз", - деп хабарлады бас консулдықтың өкілдері.

Ресейдің Федералды қауіпсіздік қызметі Шекара басқармасының өкілдері бұл жағдайға қатысты пікір білдірмеді.