Дубайда тағы бір ғимараттан өрт шықты

Дубайда Tiger Tower ғимаратында өрт шықты, осындай оқиға бір аптада екінші рет қайталанып отыр, - деп хабарлайды Khaleej Times басылымы.

Жедел әрекет ету қызметтері өртті бірнеше минуттың ішінде сөндірді. Көпқабатты ғимараттың тұрғындары өрт сөндіру кезінде қауіпсіз жерге көшірілді. Газет тілшілерінің мәліметінше, соңғы қабатта орналасқан пәтерлердің бірінде балкон өртенген. Өрттің неден шыққаны әзірше белгісіз. 

A minor fire which started on a balcony of Tiger Tower in the Marina was swiftly controlled by Dubai Civil Defence#tigertower #DCD pic.twitter.com/g5ToT8QsB3

— Lovin Dubai (@lovindubai) 6 августа 2017 г.

Әлемдегі ең биік ғимараттардың бірі - Дубайдағы 79 қабатты Torch ғимаратында өрт шыққан еді. Полицияның мәліметінше, өрт 9-қабатта басталып, жоғарғы қабаттарға дейін жеткен. Куәгерлер жолдаған видеожазбадан ғимараттың төбесі өртеніп жатқаны көрінеді. Айта кетейік, бұл ғимаратта осыған дейін де - 2015 жылы өрт шыққан еді.