Душанбедегі жанармай бекетінде жойқын жарылыс болды

Кеше Душанбе маңындағы жанармай бекетінде жергілікті уақытпен 19:30-да (Нұр-Сұлтан уақытымен 20:30) жойқын жарылыс болды. Жарылыстан 15 адам зардап шеккен, - деп хабарлайды РИА Новости.

"Душанбе маңындағы Зарафшон мөлтек ауданында орналасқан жанармай бекетінде жойқын жарылыс болды", - деді дереккөз агенттікке. 

Оның мәліметі бойынша, өрт бағанының биіктігі кем дегенде 50 метрге жетіп, жақын маңда тұрған үйлер де зардап шеккен. Өрт сөндірушілер оны бір жарым сағаттан аса уақыт бойы сөндірген.

РИА Новости мәліметінше, жанармай бекетіне жақын жердегі жедел жәрдем бөліміне жарылыстан зардап шеккен 15 адам түскен. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!