Эйнштейннің жүрегін жаралаған қызға жазған хаты 6100 долларға сатылды

Иерусалимде өткен аукционда физикадан Нобель сыйлығының иегері Альберт Эйнштейннің хаты 6100 долларға сатылды. Бұл хат ғалыммен сөйлесуден бас тартқан қызға арналған еді, - деп хабарлайы Associated Press.

1921 жылы қазанда физик Флоренцияда тұрып жатқан қарындасына барған. Оның үйінде химияны оқып жүрген 22 жастағы қыз да тұрып жатқан еді. 42 жастағы Эйнштейн онымен тілдескісі келеді, алайда, қыз қымсынып, онымен тілдесуден бас тартады. 

Флоренциядан кетер кезде Эйнштейн неміс тілінде хат жазып қалдырады: "Екі күн аяғының қасында жатқан және отырған ғылыми зерттеушіге".