Еуропадағы алғашқы ел ұйғырлар "геноцидін" мойындады

Нидерланды Қытайдың Шыңжаңдағы ұйғыр ұлттық азшылығына қатысты саясатын "геноцид" деп таныған Еуропадағы алғашқы ел болды. Қарарды ел Парламенті жариялады. Бұған дейін Канада мен АҚШ осындай мәлімдеме жасаған, - деп хабарлайды Haqqin. 

Нидерланды Парламенті қабылдаған құжатта "Қытайда ұйғыр азшылығына қарсы геноцид бар" делінген. Соған қарамастан, мәлімдемеде Қытай билігінің жауапкершілігі туралы айтылмаған.

Қарарға консервативтік партия премьері Марк Рютте қарсы дауыс берді. Елдегі Сыртқы істер министрлігінің бастығы Стеф Блок үкімет "геноцид" терминін ешқандай халықаралық сот растамаған жағдайда қолданғысы келмейтінін айтты.

"Ұйғырларға қатысты жағдай алаңдатады", - деді Блок Нидерланды бұл мәселе бойынша басқа мемлекеттермен ынтымақтастық орнататынын айтып.

Гаагадағы Қытай елшілігі Шыңжаңдағы геноцидке қатысты кез келген мәлімдеме жалған деді, ал Голландия Парламенті, оның сөзінше, "Қытайдың атына әдейі кір келтіріп, ішкі істеріне айтарлықтай араласты".

Елшілік сайтының басты бетінде соңғы жылдары Шыңжаңдағы ұйғырлар саны артып, олардың өмір сүру деңгейі мен ұзақтығы артып келеді делінген.

"Мұны қалай геноцид деп атауға болады? Шыңжаңға қатысты мәселелер ешқашан адам құқығына, ұлтына немесе дініне қатысты емес, бұл қатаң терроризмге қарсы күрес", - делінген елшілік хабарламасында.

Бірқатар батыс саясаткері мен адам құқықтары жөніндегі ұйым Бейжіңді Қытайдың Шыңжаң-Ұйғыр автономиялық аймағындағы "қайта тәрбиелеу лагерлерінде" миллионға жуық этникалық ұйғыр болуы мүмкін деп айыптайды. Олар құқыққорғаушылар ұсталғандарды лагерьлерде азаптап, құлдыққа салып, кейін зарарсыздандырады дейді.

Қытай барлық айыптауды жоққа шығарады.

"Шыңжаңда заңға сәйкес барлық этникалық топтың діни сенім бостандығы қорғалады. Ауданда 25 мыңнан аса мешіт бар. Бұл қарапайым факт. Ол Шыңжаңда ешқашан геноцид, мәжбүрлі еңбек немесе діни қысым болмағанын көрсетеді. Бұл негізсіз айыптаулар надандық пен алалаушылыққа байланысты жасалған. Бұл жай ғана саясатқа негізделген PR-алдау", - деді ҚХР сыртқы істер министрі Ван И.

"Шыңжаңға есік әрқашан ашық. Сондай-ақ, Қытай БҰҰ Адам құқықтары жөніндегі жоғарғы комиссарын Шыңжаңға шақырады", - деді ҚХР СІМ басшысы.

Түркия Шыңжаңдағы мұсылмандар құқығына қатысты жағдайға алаңдаушылық білдірді.

"Біз бұл тұрғыда ашық саясат болуын күтеміз. Түркия ұйғырлар мен басқа мұсылмандар құқығын қорғаудың маңызын айтып, Қытайдың аумақтық тұтастығын құрметтейтінін ескертті. Біз Қытай билігінің шақыруымен Шыңжаң-Ұйғыр автономиялық ауданына делегация жібереміз", - деді сыртқы істер министрі Мевлют Чавушоглу.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!