Филиппинде түрмеге жасалған қарулы шабуылдан кейін сотталған 150-ге жуық адам қашып кеткен

Филиппиннің оңтүстігіндегі Котабато провинциясындағы түрмеге қарулы шабуыл жасалып, салдарынан кемінде 150 адам қашып шыққан, - деп хабарлайды Lenta.ru Reuters агенттігіне сілтеме жасап.

Басылымның мәліметінше, 4 қаңтарда, жергілікті уақыт бойынша сағат 01:10-да түрмеге белгісіз қарулы топ шабуыл жасаған, олардың исламистермен байланысы бар болжам айтылды. 

Қылмыскерлер күзетшілерге оқ атып, салдарынан бір адам мерт болды және тағы біреуі жараланды. 

Түрме басшысы Петер Бонгаттың сөзінше, шабуылға алдын ала жіті дайындық жүргізілген: сотталғандар ғимараттан шығу үшін төсек жапқыштарын арқан ретінде пайдаланған. 

Қазіргі кезде қашып кеткендер іздестіріліп жатыр және олардың ішінде қауіпті қылмыскерлердің бары анықталып отыр. Шабуылға дейін түрмеде 1511 тұтқын болған.