Франция COVID-19 салдарынан болған дағдарыспен күреске 450 миллиард еуро бөлді

Франция коронавирус салдарынан дағдарысқа ұшыраған экономикалық секторға қолдау көрсету үшін 450 миллиард еуро бөлді, - деп хабарлайды "Хабар 24".

Дереккөз мәліметінше, бұл мемлекеттің жалпы ішкі өнімінің 20 пайызына тең. Бұл туралы Францияның қаржы министрі Брюно ле Мэр айтты.

Оның айтуынша, қолға алынған шаралардың қатарында мемлекеттің кепілдемесімен берілген 315 миллиард еуро көлемінде несие бар. Бірақ қарыз салық емес экономикалық даму арқылы өтелуі қажет дейді Брюно ле Мэр.

Еске салайық, Францияда коронавирусқа байланысты карантин 2 айға созылды. 11 мамырдан бастап шектеу шараларын жеңілдету қолға алынып, дүкендер, сән салондары мен шаштараздар ашылды. 

Қазақстан жаңалықтары. Соңғы жаңалықтар. Telegram желісінде бізге жазыл!