Францияда мектепке шабуыл жасалды: бір адам қаза тапқан, жарақат алғандар бар

Францияның солтүстігінде белгісіз біреу мектепке қарумен шабуыл жасады. Бұл туралы бірқатар француздық БАҚ жазып жатыр, - деп хабарлайды Tengrinews.kz тілшісі.

Le Parisien басылымы мәліметінше, қазір бір адам қаза тауып, бірнеше адам жараланған, оның ішінде мұғалімдер де бар.

Франция Ішкі істер министрлігінің басшысы Жеральд Дарманен Twitter-де полицияның Аррастағы Гамбетта орта мектебінде операция жүргізгенін хабарлады. Ол шабуыл жасаушының ұсталғаны туралы хабарлады, бірақ зардап шеккендер туралы ешқандай мәлімет бермеді.

Оқиғаның басқа егжей-тегжейі мен шабуыл жасаушының мақсаты туралы әзірге хабарланған жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!