Германияда құны нөл евро болатын купюралар шығарылды

Германия Еуропалық орталық банктің рұқсатымен құны нөл евро болатын купюралар партиясын шығарды, - деп хабарлайды Lenta.ru порталы Neue Osnabrücker Zeitung басылымына сілтеме жасап. 

Мұндай купюралардың тек сувенир ретінде қолданылатыны, яғни бұған ештеңе сатып алу мүмкін емес екені айтылған. Соған қарамастан бағалы қағаз барлық қауіпсіздік қорғаныстарымен қамтамасыз етілген, соның ішінде су белгілері және голограммалар бар, сонымен қатар ол барлық ақшалар жасалатын арнайы қағаздан шығарылған. 

Купюрада Германиянің 1958 жылы шығарылған "Горх Фок II" желкенді кемесі безендірілген. 

Купюра 5000 дана болып шыққан, оның бір данасының құны 2,5 еуро тұрады екен.