+7 (777) 001 44 99
Қазақша
Русский
English
02 желтоқсан 2020 | 07:47
Германияда көлік жаяу жүргіншілерді басып кетті: 5 адам қаза болды
Германияның Трир қаласында жаяу жүргіншілерді көлік қағып, қаза болғандар саны артып жатыр. Бұл туралы жергілікті полицейлер мәлімдеді, - деп хабарлайды РИА Новости.
ПОДЕЛИТЬСЯ
Германияның Трир қаласында жаяу жүргіншілерді көлік қағып, қаза болғандар саны артып жатыр. Бұл туралы жергілікті полицейлер мәлімдеді, - деп хабарлайды РИА Новости.
"Біз бес адам, оның ішінде бір бала қаза болғанын растай аламыз", - делінген ведомство баспасөз қызметінің Twitter желісіндегі хабарламасында.
Трир қаласында 1 желтоқсанда көлік жаяу жүргіншілерге арналған жолда адамдарды басып кетті. Жүргізуші ұсталды, ол Германияның 51 жастағы тұрғыны екен. Оның неге мұндай апат жасағаны әзірше хабарланбады.
Қаланың аға прокуроры Петер Фрицен күдіктінің психикалық ауытқуы болуы мүмкін екенін атап өтті. Сондай-ақ, ол мас күйінде болған. Алкотест нәтижесі алкоголь мөлшері 1,4 промилле болғанын анықтады, енді қан талдауының нәтижесі шығады.
"Психикалық ауытқуы болуы мүмкін деген негіз бар. Күдіктіні дәрігер тексерді, бірақ әлі де тексеру керек. Тергеу барысында психиатрлар сараптама жасайды", - деді аға прокурор.
ГФР министрлер кабинетінің ресми өкілі Штеффен Зайберт үкіметтегілер оқиғадан "шок" алғанын мәлімдеді. Канцлер Ангела Меркель оқиғаға байланысты аймақ басшыларымен байланыста екенін хабарлады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
