Грекияда тұмаудан 77 адам қайтыс болды

Грекияда тұмаудан 77 адам қайтыс болды. Бұл туралы Ұлттық денсаулық сақтау ұйымы мәлімдеді, - деп хабарлайды РИА Новости.

Басылымның мәліметінше, бір аптада тұмаудан 17 адам қайтыс болған.

Ұйымдағылар 227 адамның бақылауда болғанын және олардың 86-сы ғана екпе жасатқанын айтады.

Сондай-ақ, Грекия билігі үш адамның коронавирус жұқтырғанын хабарлайды. Италияда болып қайтқан екі әйел мен бірінің баласы. Жергілікті билік өкілдері вирустың таралмауы үшін қажет шараларды қабылдап жатқанын айтады.